Home / Pakistan / پاکستان معمولی نہیں بلکہ ایک بااثر ملک ہے

پاکستان معمولی نہیں بلکہ ایک بااثر ملک ہے

پاکستان کی نئی جنریشن پوچھتی ہے کہ آج پاکستان پر کٹھن وقت چل رہا ہے اس کے علاوہ پوری دنیا میں مسلمانوں پر عذاب برپا کیا جارہا ہے مگر پاکستان ان مسلمانوں کی خاطر تو دور کی بات اپنے مسائل میں اس قدر گرچکا ہے کہ پوری قوم کو مایوسی نے جکڑ لیا ہے، یوں لگتا ہے کہ پاکستان دوسروں کے اشاروں پر چلنے لگا ہے اور بہت معمولی سا ملک ہے۔

مگر ایسا بالکل نہیں ہے ہمارے ملک اور اسکی قوم کو ہم خود معمولی سمجھتے ہیں مگر امریکا اور یہودی ہماری اہمیت کو خوب سمجھتے ہیں، یہود و نصار یہ جانتے ہیں کہ پاکستان کی عوام سے لڑ کر ان سے جیتا نہیں جا سکتا مگر انہیں مذہب کے نام پر توڑا جا سکتا ہے بس یہی کمزوری ہے جس کا فائدہ ہمارے دشمن اٹھاتے ہیں، میں آپ کو بتانا چاہتا ہوں کہ پاکستان کی کیا اہمیت ہے پوری دنیا میں، جسے ہم خود بھول چکے ہیں۔

1: جیسے ہی عرب اسرائیل جنگ ہوئی جبکہ پاکستان کو بنے ابھی ایک سال ہی ہوا تھا پاکستان نے چیکوسلاواکیا میں ڈھائی لاکھ رائفلیں خرید کر عربوں کو دیں, اور تین جنگی جہاز اٹلی سے خرید کر مصر کے حوالے کئے، تاکہ وہ اسرائیل سے اپنا دفاع کر سکیں۔

2: پاکستان نے 1967ء اور 1973ء کی عرب اسرائیل جنگوں میں عربوں کی مدد کی اور اسرائیل کو روکنے میں کلیدی کردار ادا کیا, پاکستان نے انہیں جنگوں میں بیس سے زائد اسرائیلی جنگی جہاز مار گرائے۔

3: جب اسرائیل نے ترکی کے امدادی جہاز پر گولہ باری کی اور دونوں ممالک میں جنگ کا خدشہ پیدا ہوا تو سب سے پہلے پاکستانی جنگی ہیلی کاپٹرز ترکی کی مدد کو پہنچے، اور ترکی کی سرحدوں پر پروازوں کی،یوں اسرائیلی فورسز نے جب پاکستان کو ترکی کی حمایت میں میدان جنگ میں اترتے دیکھا تو ترکی پر حملے کی جرت نہ کر سکیں۔

4: پاکستان نے اسرائیلی حملے کے خلاف مصر کی بھی مدد کی، جس کی وجہ سے وہ وادی سینا کے قریب رک گئے اور آگے نہ بڑھ سکے۔

5: پاکستان نے 1980 میں روس جیسی سپر پاور کے ساتھ ٹکر لے کر افغانستان کی مدد کی، اور روس کو شکست سے دوچار کیا،۔

6: افغانستان اور انڈیا کا دعویٰ ہے کہ امریکہ کو اس وقت افغانستان میں جتنی مزاحمت کا سامنا ہے، اس کے پیچھے بھی پاکستان ہی ہے۔

7: پاکستان نے 1992ء اور 1993ء میں یورپ کے خلاف اس وقت بوسنیا کی مدد کی جب تمام مسلمان ممالک نے چپ کا روزہ رکھ لیا تھا، پاکستان نے نہ صرف سفارتی مدد کی بلکہ پاک فوج عملاً لڑنے گئی۔

8: پاکستان نے آرمینیا کے خلاف آذربائیجان کی مدد کی، پاکستان دنیا کا واحد ملک ہے جو آج بھی آرمینیا کو تسلیم نہیں کرتا۔

9: پاکستان نے ایران کی عراق کے خلاف مدد کی، اور ایران عراق جنگ بزور طاقت رکوائی، پاکستان نے ایران میں دہشتگردی کرنے والی تنظیم جنداللہ کے سربراہ کو گرفتار کرنے میں ایران کی مدد کی۔

10: پاکستانی مجاہدین نے انڈیا جیسے ملک کے چنگل سے آدھا کشمیر آزاد کروایا۔

11: پاکستان نے 1965ء میں اپنے سے پانچ گنا بڑے انڈیا کو شکست دی، پاکستان نے کشمیری مسلمانوں کو ظالم کے چنگل سے آزاد کروانے کے لیے اپنے سے کئی گنا بڑی فوجی اور معاشی طاقت سے تین جنگیں لڑیں۔

12: کارگل کی جنگ میں پاکستان نے صرف چند ہزار فوجیوں کی مدد سے انڈیا کی سپلائیز روک کر سات لاکھ انڈین فوج کو محصور کرلیا تھا جو کہ ایک ورلڈ ریکارڈ ہے، پاکستان کی وہ جیتی ہوئی جنگ نواز شریف کی سیاسی بزدلی کی نظر ہوگئی۔

13: پاکستان نے اپنے کمانڈوز کی مدد سے خانہ کعبہ کو دہشتگردوں کے قبضے سے آزاد کروایا۔

14: پاکستان نے 1991ء میں کویت کی عراق کے خلاف مدد کی۔

15: جب شاہ ایران نے متحدہ عرب امارات کو صفحہ ہستی سے مٹانے کی دھمکی دی تو پاکستان نے متحدہ عرب امارات کی مدد کی،۔

16: جب مصر اور عربوں میں اختلاف پیدا ہوا تو پاکستان نے مصر کی سفارش کی اور عربوں کو راضی کیا،یہ کام جنرل ضیاء مرحوم نے کیا تھا۔

17: جب اقوام متحدہ میں مسلمانوں کا موقف پیش کرنے کی باری آئی تو تمام مسلمان ممالک بشمول عربوں اور ترکوں کے سب نے پاکستان کا نام چنا، جس کے بعد جنرل ضیاء الحق نے اقوام متحدہ میں اپنی مشہور زمانہ تقریر کی۔

18: اس کے علاوہ پاکستان دنیا کا پہلا ملک ہے جس نے چین کو تسلیم کیا اور اپنا سفارتکار چین بھیجا ایوب خان نے چین کی ابتدائی ضروریات کے لئے اس وقت چین کو ہوائی جہاز، بسیں اور بہت بڑی مقدار میں خوراک بھیجی، چینی آج بھی پاکستان کا وہ احسان نہیں بھولے اور آج بھی ہمارے بہترین دوست ہیں۔

19: لبریشن ٹائیگرز آف تامل ایلام نامی دہشت گرد تنظیم ایک تہائی سری لنکا پر قابض تھی, اس ناسور سے سری لنکا کی جان پاکستان نے چھڑائی اور پاک فوج کی مدد سے وہ تحریک ہمیشہ کے لئے ختم کر دی گئی، اسی لئے سری لنکن ہمیشہ پاکستان کے شکرگزار رہتے ہیں۔

20: 1980ء میں جب زمبابوے کو عالمی تنہائی کا سامنا تھا تو پاکستان نے اس کی مدد کی۔

21: 1993ء میں جب امریکی فوجی 4000 صومالی جنگجوؤں کے گھیرے میں آ گئے تو وہاں امن مشن پر موجود پاک فوج کے مختصر سے دستے نے ان امریکی فوجیوں کو چھڑایا۔

22: کیا آپ جانتے ہیں کہ پاکستان دنیا بھر میں قیام امن کے لیے فوجیں بھیجنے والا دنیا کا تیسرا بڑا ملک ہے۔

پاکستان کو معمولی مت سمجھیے اس کی قدر کیجئے، پاکستان زندہ آباد

About yasir

Check Also

پاکستان آنے سے پہلے امریکی وزیر خارجہ نے ایئرکرافٹ کیریئر کا دورہ کیوں کیا۔

امریکہ اپنے ڈومورکے مطالبے پر قائم ہے مگر دھیمے لہجے کے ساتھ، مائیک پومپیو یہ …